Eguzkibegi ikastola LH 6B 2011

EGUEN ZURI 2012

aintzina — Tue, 17 Apr 2012 09:25:57 +0000

Otsailaren 16an Eguen Zuri eguna ospatu genuen ikastolan. L.H. 6. mailakook kopla kantari eta eskean ibili ginen. Hemen duzuen bideoan egun hau zergatik ospatzen den azaltzen dizuegu lehenengo, eta koplak entzuteko aukera duzue gero.

Kantua batutako elikagaiekin azkari ederra egin genuen. Eskerrik asko denoi.

Platanoaren puzkerra puxikan

aintzina — Tue, 17 Apr 2012 08:44:39 +0000

Gai berria hasi dugun honetan hainbat esperimentu egin beharko ditugu. Trebatzeko hemen duzue etxean egiteko esperimentu bat. Irudiaren gainean klikatuta ZerNola webgunera joango zarete eta bertan proposatzen dena egin behar duzue etxean. Egin ondoren iruzkina egin beharko duzue ateratako ondorioekin. Gogoratu iruzkinetarako emandako azalpenak.

Animo zientzialariok!!

Agate Deuna

aintzina — Fri, 18 Mar 2011 11:00:49 +0000

Bezpera gauen, otsailaren 4an, Euskal Herrian oles egiteko ohitura izan dugu.Oles egitea norbaiti dei edo erregu egitea da, ate joka laguntza eske ibiltzea. Ohitura honek oraindik dirau bizirik toki askotan.

Agate Deunaren inguruan Euskal Herrian ohitura desberdinak izan dira, kanpai jotze luzeak izaten ziren eta, Bizkaiko zenbait ermitetan erromeria. Beste toki batzuetan, egun horren goizaldean, baserrietako baratzetan, Kandelario egunean eleizan bedeinkatutako kandelak pizten ziren.

Gaur Kandelario eguna da

djorrin — Wed, 02 Feb 2011 15:09:57 +0000

Zezeilaren 2a da Kandelario eguna. Egun horretan kandelak eta argizaiak bedeinkatzen dira. Sasoi baten bedeinkatutako kandelak, leku kutunen baten gorde eta urtean zehar erabili egiten ebezan, apartekorik egon ezkero, Jaungoikoak emoniko indarra eukiela-ta. Etxekoek osterantzeko babesa behar ebenean (oinaztuak dirala edo pizti txarren bat bazterretatik dabilela), kandelea ixetu eta partetxarreko danak uxatu egiten ebazala sinistuta egozan.

Bedeinkatutako kandela eta argizai horreek be etxekoren bat hilten zanean, gaubeilan, erabilten ziran, edo domekaro etxeko hildakoen eleizako hilarriaren ganean isiotzen ebezan.

INAUTERIETAKO TOSTADAK (OGI-TOSTADAK)

djorrin — Wed, 26 Jan 2011 15:38:46 +0000

Osagaiak:

- Ogi barra 1
- 1L esne
- 5 koilara azukre
- Kanela
- Arrautza (2 edo 3)
- Irina
- 1/2 L olio
- Limoi bat

Prozedura:

Hasteko, ogia xerratan zatitu behar dugu.
Ontzi baten esnea, kanela, azukrea eta limoiaren azala berotzen ipiniko dugu.
Bandeja baten xerrak zabal-zabal ipiniko ditugu.
Gero, berotu dugun nahastea gainetik botako dugu, ogia ondo bustitzeko.
Bi edo hiru ordutan horrela utzi.
Ondoren, olioa zartagin baten berotzen ipiniko dugu, eta ontzi baten arrautzak
irabiatuko ditugu .
Bustitako ogi-xerrak irinatik eta arrautzetik pasatuko ditugu.
Zartaginean frijituko ditugu.
Bukatzeko, plater batean ipiniko ditugu tostadak ,eta gainetik azukrea eta kanela botako
dugu.
PREST DAUDE JATEKO!!!!!!!

DONOSTIAKO KUTXAGUNERA IRTEERA

djorrin — Wed, 24 Nov 2010 09:49:38 +0000

Hona hemen urriaren 28an Donostiara egindako irteeran ateratako argazkiak.